12 чэрвеня 2026 г. у дзяржаўнай установе «Рэспубліканскі клінічны медыцынскі цэнтр» Упраўлення справамі Прэзідэнта Рэспублікі Беларусь адбылася рэспубліканская навукова-практычная канферэнцыя з міжнародным удзелам «Роля і месца сучасных тэхналогій у малой практалогіі».
Арганізатарамі мерапрыемства выступілі РКМЦ, Упраўленне справамі Прэзідэнта Рэспублікі Беларусь, Міністэрства аховы здароўя Рэспублікі Беларусь, грамадскае аб'яднанне «Беларускае таварыства сімуляцыйнага навучання ў медыцыне».
Канферэнцыя сабрала 150 урачоў-хірургаў, практолагаў (стацыянараў і паліклінік) гарадскіх, абласных і міжраённых устаноў аховы здароўя, навуковых супрацоўнікаў і работнікаў профільных кафедраў.
У ходзе мерапрыемства удзельнікі абмеркавалі перспектыўныя напрамкі развіцця малой практалогіі ў рэгіёнах Рэспублікі Беларусь, сучасныя тэндэнцыі ў дыягностыцы і лячэнні паталогіі анальнай вобласці, а таксама паслядыпломную адукацыю ў эндавідэахірургіі з прымяненнем сімуляцыйных тэхналогій. Асаблівая ўвага надавалася прымяненню лазерных і мініінвазіўных тэхналогій у малой практалогіі.
З вітальным словам да ўдзельнікаў звярнуўся намеснік галоўнага ўрача па хірургіі ДУ «РКМЦ» Слабодзін Юрый Валер'евіч, к.м.н., які ў сваім выступленні адзначыў: «Сучасныя метады дыягностыкі і лячэння ў сферы малой практалогіі павінны быць даступныя для ўсіх рэгіёнаў краіны, уключаючы міжраённыя цэнтры, раённыя бальніцы. Пацыенты з усіх абласцей Рэспублікі Беларусь павінны атрымліваць якасную сучасную дапамогу. Тым больш, што такія магчымасці ёсць».
З лекцыямі і дакладамі па актуальных пытаннях сучаснай практалогіі выступілі вядучыя беларускія і расійскія спецыялісты:
Дзянісенка У.Л., галоўны ўрач УАЗ «Віцебскі абласны клінічны спецыялізаваны цэнтр», галоўны пазаштатны практолаг Міністэрства аховы здароўя Рэспублікі Беларусь, д.м.н., прафесар;
Кастараў І.У., урач-калапрактолаг, загадчык 2-м хірургічным аддзяленнем (агульнай і рэканструктыўнай калапракталогіі) ФДБУ «Нацыянальны медыцынскі даследчы цэнтр калапракталогіі імя А.М. Рыжых» Міністэрства аховы здароўя Расійскай Федэрацыі (г. Масква, Расійская Федэрацыя), д.м.н., прафесар;
Багoрмістраў І.С., урач-калапрактолаг, загадчык дзённым стацыянарам ФДБУ «Нацыянальны медыцынскі даследчы цэнтр калапракталогіі імя А.М. Рыжых» Міністэрства аховы здароўя Расійскай Федэрацыі (г. Масква, Расійская Федэрацыя), к.м.н.;
Сідараў С.А., урач-практолаг, урач-хірург хірургічнага аддзялення ДУ «РКМЦ»;
Жук А.С., урач-хірург хірургічнага аддзялення ДУ «РКМЦ».
Майстар-клас хірургічных аперацый пры паталогіі анальнай вобласці з трансляцыяй з аперацыйнай у фармаце «жывой» хірургіі, праведзены для ўдзельнікаў канферэнцыі, стаў унікальнай магчымасцю для спецыялістаў абмяняцца вопытам і павысіць свой прафесійны ўзровень.
На арганізаванай у рамках канферэнцыі выставе ўдзельнікі мерапрыемства азнаёміліся з сучаснай медыцынскай тэхнікай і матэрыяламі, лекавымі прэпаратамі, якія прапануюцца для спецыялістаў у дадзенай сферы.
Канферэнцыя стала унікальнай пляцоўкай для ўстанаўлення новых прафесійных кантактаў і абмену вопытам паміж вядучымі экспертамі ў галіне малой практалогіі, тым самым забяспечваючы больш высокі ўзровень дыягностыкі і тэрапіі для нашых пацыентаў. Атрыманыя веды і дасягнутыя дамоўленасці будуць садзейнічаць павышэнню якасці медыцынскай дапамогі як у нашым Цэнтры, так і ў іншых установах аховы здароўя Рэспублікі Беларусь.