Расійскі Форум па трамбозе і гемастазе (РФТГ–2026) прайшоў 12–14 сакавіка 2026 года ў Маскве. Галоўным арганізатарам выступіла Нацыянальная асацыяцыя спецыялістаў па трамбозах, клінічнай гемастазіялогіі і гемаарэалогіі (НАТГ), членам якой з'яўляецца спецыяліст Цэнтра Ваганава Т.У.

РФТГ – пляцоўка міждысцыплінарнага дыялогу, абмену вопытам і абмеркавання праблем у галіне фундаментальнай і клінічнай гемастазіялогіі – па праблемах трамбозаў, крывацёкаў, паталогіі гемакаагуляцыі, гемаарэалогіі і мікрацыркуляцыі, для практыкуючых урачоў і навуковых супрацоўнікаў, спецыялістаў медыцынскіх, біялагічных, фармацэўтычных і юрыдычных напрамкаў.

Праграма РФТГ маштабная і насычаная – самыя актуальныя аспекты фундаментальнай і клінічнай гемастазіялогіі, уключаючы персаналізаванае лячэнне і міждысцыплінарнае ўзаемадзеянне ў самых розных клінічных сітуацыях. На форуме выступілі вядучыя расійскія спецыялісты ў галіне гемастазіялогіі, праведзены жывыя дыскусіі з удзельнікамі форуму і выказаны меркаванні экспертаў, абмеркаваны лічбавыя навінкі і праграмы. Прагучала больш за 180 дакладаў.

У навуковай праграме РФТГ–2026 разгледжаны актуальныя пытанні гемастазіялогіі, у тым ліку дыягностыкі і лячэння трамбатычных і гемарагічных захворванняў і станаў, артэрыяльных і венозных трамбозаў пры сасудзістых катастрофах і сепсісе, гемафілій, анемій і каагулапатый рознага генезу, менеджменту крыві пацыента, арганізацыя гемастазіялагічнай дапамогі, укараненне высокатэхналагічных методык і прэпаратаў для прафілактыкі і тэрапіі трамбагемарагічных парушэнняў.

Упершыню ў Праграме адбылася спецыяльная канферэнцыя для сярэдняга медыцынскага персаналу і сімпозіум па прымяненні ШІ.

Ад РКМЦ у Форумe прынялі ўдзел:
Ваганава Т.У., урач-трансфузіёлаг
Казакова М.І., урач-кардыёлаг
Фролаў Ю.Ю., урач-аністэзіёлаг-рэаніматолаг
Валевач Н.М., галоўная медыцынская сястра РКМЦ

Новыя веды і прафесійныя кантакты – важная частка пастаяннага развіцця спецыялістаў Цэнтра. Атрыманы вопыт ужо прымяняецца ў клінічнай практыцы.