14 сакавіка 2026 года па ўсёй краіне пачалася рэалізацыя рэспубліканскага адукацыйнага праекта «Запусці сэрца».

Спецыялісты ДУ «Рэспубліканскі клінічны медыцынскі цэнтр» Упраўлення справамі Прэзідэнта Рэспублікі Беларусь, 16 медыцынскіх каледжаў, 4 медыцынскіх універсітэтаў, УАЗ «Астравецкая цэнтральная раённая клінічная бальніца» на працягу 7 субот будуць навучаць вучняў 10 класаў навыкам аказання першай дапамогі, такім як:

• Базавая сэрцава-лёгачная рэанімацыя;
• Дапамога пры непраходнасці дыхальных шляхоў;
• Прыёмы спынення крывацёкаў;
• Метады імабілізацыі канечнасцей;
• Дзеянні пры неадкладных станах.

На базе дзяржаўнай установы «Рэспубліканскі клінічны медыцынскі цэнтр» Упраўлення справамі Прэзідэнта Рэспублікі Беларусь старт праекту сумесна з вучнямі ДУА «Гімназія №4 г. Мінска» і ДУА «Гімназія №20 г. Мінска» далі міністр адукацыі Іванец Андрэй Іванавіч і міністр аховы здароўя Ходжаеў Аляксандр Валер'евіч.

Міністр аховы здароўя А. Ходжаеў: «Сёння мы другі раз пачынаем акцыю «Запусці сэрца», важна разумець, што прафарыентацыйны кампанент гэтай акцыі важны, але не з'яўляецца вядучым. Галоўнае, што ў хлопцаў ёсць магчымасць адпрацаваць навыкі, неабходныя для выратавання жыцця, на сімуляцыйным абсталяванні з зваротнай сувяззю і набыць упэўненасць у тым, што яны могуць выратаваць чыёсьці жыццё. А для хлопцаў, якія хочуць звязаць сваё жыццё з медыцынай, зразумець, кім яны хочуць стаць — урачом ці медыцынскай сястрой».

Міністр адукацыі А. Іванец: «У 2024 годзе ў акцыі паўдзельнічала 20 000 дзесяцікласнікаў краіны, у гэтым годзе плануецца навучыць столькі ж хлопцаў. Гэта добрае дапаўненне да вучэбнага прадмета «Дапрызыўная і медыцынская падрыхтоўка», толькі ў рамках акцыі кожны ўдзельнік адпрацуе і замацуе навыкі аказання першай дапамогі на манекенах і набудзе ўпэўненасць у сваіх дзеяннях».

Намеснік галоўнага ўрача па хірургіі дзяржаўнай установы «Рэспубліканскі клінічны медыцынскі цэнтр» Упраўлення справамі Прэзідэнта Рэспублікі Беларусь, старшыня праўлення грамадскага аб'яднання «Беларускае таварыства сімуляцыйнага навучання ў медыцыне», якое ў 2024 годзе было ініцыятарам дадзенага праекта, Ю. Слабодзін: «Становіцца добрай традыцыяй даваць старт праекту «Запусці сэрца» на базе нашай установы. Два міністэрствы, якія падтрымалі ініцыятыву 2 гады таму, зноў з намі. У гэтыя хвіліны старт праекта адбываецца і па ўсёй краіне. Медыцынскія каледжы і ўніверсітэты, установы аховы здароўя прымаюць першых у гэтым годзе вучняў 10 класаў, каб перадаць ім такія неабходныя для жыцця веды і ўменні».

Бліжэйшыя 7 субот у дзесяцікласнікаў краіны пройдуць пад лозунгам «Вучымся ратаваць жыццё!»

Завершыцца праект масавым тэматычным флэшмобам 15 мая 2026 года.