Лапараскапічная хірургія абадковай і прамой кішкі пры дабраякаснай і злаякаснай паталогіі ў многіх краінах Еўропы, Азіі, Амерыкі з'яўляецца "залатым" стандартам і ўнесена ў пратаколы лячэння.

Навучанне ўрачоў-хірургаў, анколагаў-хірургаў, практолагаў лапараскапічнай хірургіі абадковай і прамой кішкі дазволіць пашырыць ўкараненне гэтага сучаснага метаду хірургіі ў клініках Рэспублікі Беларусь, павысіць прафесійны тэарэтычны і практычны ўзровень урачоў, зрабіць гэты метад хірургіі стандартызаваным для мінімізацыі хірургічных і анкалагічных ускладненняў, павысіць даступнасць дадзенага сучаснага метаду хірургіі для насельніцтва Рэспублікі Беларусь.

Мэтай адукацыйнай праграмы павышэння кваліфікацыі "лапараскапічная хірургія абадковай і прамой кішкі" з'яўляецца навучанне і прафесійнае ўдасканаленне ўрачоў хірургаў, анколагаў-хірургаў, практолагаў па пытаннях асваення хірургіі абадковай і прамой кішкі лапараскапічным метадам.

Задачамі адукацыйнай праграмы павышэння кваліфікацыі з'яўляюцца вывучэнне прынцыпаў і стандартызаванай метадалогіі лапараскапічнай хірургіі абадковай і прамой кішкі, вывучэнне прынцыпаў бяспекі гэтага віду хірургіі, адпрацоўка базавых навыкаў эндавідэахірургіі ва ўмовах сімуляцыйнага цэнтра з выкарыстаннем сучасных сімулятараў.

Метады навучання: разбор асноўных тэарэтычных аспектаў лапараскапічнай хірургіі абадковай і прамой кішкі і яе бяспекі; практычны разбор і вывучэнне лапараскапічнай хірургіі розных аддзелаў абадковай і прамой кішкі пры злаякаснай і дабраякаснай паталогіі на прыкладзе відэаразбора не манціраванага аператыўнага ўмяшання, наяўнага ў базе Цэнтра, і life-аперацый з аперацыйных цэнтра з двухбаковай аўдыё-відэасувяззю з выкладчыкам, якія выступаюць у ролі аператара; навучанне і засваенне базавых эндавідэахірургічных навыкаў на сімулятарах.