Дысертацыя Качанко А. Ф. «Сучасныя падыходы да этыятропнай тэрапіі пазабальнічных інфекцый дыхальных шляхоў, выкліканых S. pneumoniae і H. influenzae» прысвечана актуальнай праблеме своечасовай дыягностыкі і антыбактэрыйнай тэрапіі пазабальнічных інфекцый дыхальных шляхоў. Па дадзеных СААЗ інфекцыі ніжніх дыхальных шляхоў, у тым ліку і пнеўманіі, уваходзяць у 10 вядучых прычын смяротнасці ў свеце. На сённяшні дзень пнеўмакок працягвае заставацца ўзбуджальнікам нумар адзін у этыялагічнай структуры пазабальнічных інфекцый дыхальных шляхоў як у амбулаторных, так і ў шпіталізаваных пацыентаў. Лячэнне антыбіётыкамі варта пачынаць неадкладна пасля дыягностыкі пазабальнічнай пнеўманіі. Але ў апошнія гады склалася дастаткова складаная сітуацыя, якая кажа нам аб тым, што існуе шэраг як амбулаторных, так і шпіталізаваных пацыентаў, якія неадэкватна рэагуюць на стартавую антыбактэрыяльную тэрапію. Так па даных экспертаў каля 18% амбулаторных пацыентаў не адказваюць на антыбактэрыяльную тэрапію. У стацыянарных пацыентаў у 6-15% назіраецца неэфектыўнасць тэрапіі.

У ходзе праведзенага даследавання аўтар ставіла перад сабой наступныя актуальныя задачы: даследаванне фенатыпаў рэзістэнтнасці штамаў S. pneumoniae і H. influenzae, выдзеленых з насаглоткі здаровых носьбітаў, а таксама з клінічнага матэрыялу пацыентаў. На падставе вывучэння адчувальнасці і рэзістэнтнасці інвазіўных і не інвазіўных штамаў S. pneumoniae да антыбактэрыйных прэпаратаў і ацэнкі клінічнай эфектыўнасці антыбіётыкаў, былі вызначаны найбольш мэтазгодныя схемы антыбактэрыйнай тэрапіі пазабальнічных рэспіраторных інфекцый. Таксама былі распрацаваны рэкамендацыі па рацыянальнай антыбактэрыяльнай тэрапіі пазабальнічных рэспіраторных інфекцый, выкліканых H. influenzae.

У ходзе свайго даследавання аўтар вывучыла сератыпы штамаў S. pneumoniaе, правяла параўнальную ацэнку сератыпаў выдзеленых пнеўмакокаў і зарэгістраваных у Рэспубліцы Беларусь пнеўмакокавых вакцын.