
Відэаэзафагагастрадуадэнаскапія (ВЭГДС) + біяпсія. Праводзіцца трансаральна і, пры наяўнасці паказанняў, трансназальна.
Эндаскапічная паліпэктамія (у страваводзе, страўніку, дванаццаціперснай кішцы).
ПАКАЗАННІ ДЛЯ ПРАВЯДЗЕННЯ ВІДЭАЭЗАФАГАГАСТРАДУАДЭНАСКАПІІ
ВЭГДС - гэта методыка агляду слізістай стрававода, страўніка і дванаццаціперснай кішкі з дапамогай гнуткага эндаскопа з мэтай дыягностыкі розных запаленчых захворванняў, эразіўна-язвавых пашкоджанняў, выяўлення дабраякасных утварэнняў і анкапаталогіі.
ЯК ПРАВОДЗІЦЦА ВІДЭАЭЗАФАГАГАСТРАДУАДЭНАСКАПІЯ
Для правядзення ВЭГДС выкарыстоўваецца сучаснае эндаскапічнае абсталяванне з функцыямі віртуальнай храмаскапіі (рэжымы NBI, i-SCAN) для дэталізацыі выявы з мэтай выяўлення ранніх эндаскапічных прыкмет захворванняў.
Акрамя стандартнай трансаральнай ВЭГДС выконваецца і трансназальная ВЭГДС.
Падчас правядзення ВЭГД выконваецца біяпсія, у тым ліку з вызначэннем Helicobacter pylory.
Відэадуадэнаскапія + біяпсія.
Эндаскапічны метад дыягностыкі паталогіі ВДС (вялікага дуадэнальнага сасочка), МДС (малога дуадэнальнага сасочка) і дванаццаціперснай кішкі. Выконваецца з дапамогай спецыяльнага эндаскопа з бакавой оптыкай, які дазваляе прыцэльна візуалізаваць зону ВДС і МДС і выканаць біяпсію пры неабходнасці.
Празскурная эндаскапічная гастрастамія.
Выконваецца малаінвазіўным спосабам сумесна хірургамі і эндаскапістамі ў пацыентаў, якія не могуць прымаць ежу праз рот па розных прычынах (неўралагічныя парушэнні, абструкцыя пухлінай поласці рота ці верхніх аддзелаў страўнікава-кішачнага тракту і інш.) і якія патрабуюць працяглага энтэральнага харчавання. Выконваецца толькі ва ўмовах хірургічнага стацыянара.
Эндаскапічная паліпэктамія (у страваводзе, страўніку, дванаццаціперснай кішцы і тоўстай кішцы).
У Цэнтры выкарыстоўваюцца наступныя методыкі:
- паліпэктамія з выкарыстаннем "халоднай" пятлі
- паліпэктамія з выкарыстаннем дыатэрмічнай пятлі
- эндаскапічная рэзекцыя слізістай (EMR)
- эндаскапічная падслізістая дыссекцыя (ESD)
- аргонаплазменная каагуляцыя (APC)
СУПРАЦЬПАКАЗАННІ:
- цяжкая хранічная сардэчная недастатковасць
- захворванні стрававода, якія выклікаюць немагчымасць увядзення эндаскопа у страўнік
- агульны цяжкі стан пацыента
ПАДРЫХТОЎКА ДА ДАСЛЕДАВАННЯ
- за 12 гадзін да даследавання спыніць прыём ежы
- у дзень даследавання курыць і прымаць лекі дазваляецца толькі пасля правядзення даследавання
ЯК ПРАЙСЦІ ЭНДАСКАПІЧНАЕ ДАСЛЕДАВАННЕ У РКМЦ
Для выканання даследавання патрабуецца накіраванне ад лекара
- Патэлефанаваць у кантакт-цэнтр для ўдакладнення парадку запісу на даследаванне .
- У рэгістратуры заключыць дагавор на аказанне платных паслуг.
- Аплаціць кошт у касе РКМЦ або праз АРІП.
- Зрабіць даследаванне ў прызначаны час.