МАГЧЫМАСЦІ АДДЗЯЛЕННЯ ХІРУРГІІ РКМЦ

На сённяшні дзень наяўнасць раней перанесеных "адкрытых аперацый" або спаечнай хваробы брушной поласці не з'яўляецца супрацьпаказаннем для выканання лапараскапічных аперацый. Дактары, якія працуюць у хірургічным аддзяленні, валодаюць багатым вопытам лапараскапічнай хірургіі ва ўмовах спаечнага працэсу брушной поласці.

Асноўныя напрамкі работы хірургічнага аддзялення:

Рабатычная хірургія

Упершыню ў Рэспубліцы Беларусь у цэнтры ўкаранёныя робат-асіставаныя ўмяшанні, што дае магчымасць выконваць аперацыі больш дакладна і эфектыўна.

Абдамінальная хірургія

• увесь спектр хірургіі абадковай і прамой кішкі пры дабраякаснай і злаякаснай паталогіі
• поўны аб'ём хірургіі страўніка пры дабраякаснай і злаякаснай паталогіі
• увесь спектр хірургіі і малаінвазіўных умяшанняў пад ультрагукавым кантролем пры дабраякаснай і злаякаснай паталогіі:
  • печані, 
  • падстраўнікавай залозы, 
  • наднырачнікаў,
  • жоўцевага пузыру, 
  • жоўцевых параток
• хірургія пухлін забрушыннай прасторы

Хірургія грыж

У лячэнні пахвінных і пасляаперацыйных кіл выкарыстоўваюцца ўсе вядомыя на сёння метады, уключаючы малаінвазіўныя з выкарыстаннем эндавідэахірургічнага абсталявання і робат-асіставаныя.

Малаінвазіўнае лячэнне грыж пазваночніка

Прымяняюцца метады радыёчастотнай анулапластыкі накіраваныя на каагуляцыю калагена і стабілізацыю сценкі дыска, тэрмаабляцыю нервовых канчаткаў з дэнервацыяй дыска.

Флебалогія

Увесь спектр малатраўматычных хірургічных умяшанняў ў лячэнні варыкознага пашырэння вен ніжніх канечнасцей з выкарыстаннем лазерных тэхналогій і мінідоступа, склератерапіі.

Практалогія

У лячэнні паталогіі прамой кішкі ўкаранёны ўсе сучасныя тэхналогіі, уключаючы выкарыстанне лазера, малаінвазіўныя эндаскапічныя трансанальныя тэхналогіі. Аб лячэнні гемарою можна даведацца тут.

Метабалічная хірургія цукровага дыябету 2-га тыпу

З выкарыстаннем сучасных эндавідэахірургіченых метадаў выконваецца лячэнне пацыентаў якія пакутуюць на цукровы дыябет 2-га тыпу, што прыводзіць да нармалізацыі глюкозы крыві і дазваляе пацыентам адысці ад прыёму цукрапаніжаючых прэпаратаў.

Траўматалогія і артапедыя

Укаранёныя ў працу аддзялення сучасныя малаінвазіўныя тэхналогіі дазваляюць малатраўматычным метадам выконваць увесь спектр лячэбна-дыягнастычных артраскапічных умяшанняў пры паталогіі буйных і дробных суставаў.

Шпіталізацыя для аператыўнага лячэння ў хірургічнае аддзяленне ажыццяўляецца толькі пры наяўнасці наступных дакументаў і вынікаў даследаванняў:

• Выпіска з амбулаторнай карты;
• Пашпарт.