Дысертацыя С. М. Кананчука "Анестэзіялагічнае забеспячэнне адкрытай радыкальнай цыстэктаміі пры раку мачавога пузыра" прысвечана распрацоўцы арыгінальнага метаду збалансаванай эндатрахеальнай анестэзіі ў спалучэнні з падоўжанай двухбаковай паравертэбральнай блакадай, навуковаму абгрунтаванню яго прымянення з мэтай павышэння эфектыўнасці і бяспекі анестэзіялагічнага забеспячэння адкрытых радыкальных цыстэктамій пры раку мачавога пузыра.

Тэма дысертацыйнай працы Кананчука С. М. актуальная і сучасная. Адным з цяжкіх і распаўсюджаных анкалагічных захворванняў органаў мочапалавой сістэмы з'яўляецца злаякаснае новаўтварэнне мачавога пузыра. У шэрагу выпадкаў рак мачавога пузыра дыягнастуецца з мышачнай інвазіяй, а асноўным метадам лячэння пры такім віду пашкоджання з'яўляецца радыкальная цыстэктамія. Гэтая аперацыя ўяўляе сабой камбінаванае рэканструктыўна-пластычнае ўмяшанне, якое ажыццяўляецца на двух паверхах брушнай поласці, з выкананнем за адзін раз экстырпацыі мачавога пузыра з пухлінай, пашыранай тазавай лімфадысекцыяй і фарміраваннем з рэзецыраванай часткі ўласнага кішачніка пацыента аднаго з варыянтаў дэрывацыі мачы. Улічваючы велічыню і высокатраўматычнасць радыкальнай цыстэктаміі, агульнасусветным падыходам з'яўляецца прымяненне камбінаванай анестэзіі (агульная анестэзія ва ўмовах штучнай вентыляцыі лёгкіх у спалучэнні з рэгіянальнымі метадамі). Аўтарам дысертацыйнага даследавання былі актуалізаваны пытанні "Наколькі якасна і бяспечна дастасавальныя нейрааксіальныя метады блакад для пацыентаў, якія пакутуюць на рак    мачавога пузыра, якія маюць у асноўным сталы ўзрост і спадарожную паталогію? Ці ёсць альтэрнатывы?».

Суіскальнік атрымаў высокай ступені навуковай навізны тэарэтычныя і практычныя вынікі клінічных і лабараторных даследаванняў, каштоўнасць якіх вызначае тое, што:

• распрацаваны метад рэгіянальнай (падоўжанай двухбаковай паравертэбральнай) блакады;
• праведзена параўнанне дадзенага метаду з ужывальнымі цэнтральнымі нейрааксіальнымі блакадамі (эпідуральнай і камбінаванай спінальна-эпідуральнай анестэзіямі);
• вывучаны асноўныя перыаперацыйныя паказчыкі гемадынамікі ў пацыентаў на фоне прымянення рэгіянальных блакад;
• ацэнены ўплыў на выяўленасць хірургічнага стрэс-адказу падоўжанай двухбаковай паравертэбральнай блакады, падоўжанай эпідуральнай і камбінаванай спінальна-эпідуральнай анестэзій;
• засноўваючыся на прынцыпах доказнай медыцыны і статыстычнай апрацоўкі дадзеных, абгрунтавана эфектыўнасць і бяспека распрацаванага метаду пры выкананні адкрытай радыкальнай цыстэктаміі;
• прапанаваны алгарытмы прагнозу інтрааперацыйнай нестабільнасці гемадынамікі і неабходнасці своечасовага дадатковага прызначэння ў раннім пасляаперацыйным перыядзе абязбольвальных наркатычных лекавых сродкаў.

Атрыманыя вынікі даследавання маюць практычны і важны фундаментальны складальнік для профільнай спецыяльнасці – анестэзіялогія і рэаніматалогія.

  Автореферат